गुन्हे शाखेने अमली पदार्थांच्या व्यापारातून गोळा केलेली मालमत्ता केली जप्त
श्रीश उपाध्याय
मुंबई
मुंबई क्राईम ब्रँच 6 ने अमली पदार्थांच्या व्यापारातून जमा केलेली 3 कोटी रुपयांची मालमत्ता जप्त केली आहे.
गुन्हे शाखा 6 ने एम डी आणि चरसचा व्यापार करणाऱ्या 12 आरोपींना अटक केली होती. गुन्हे शाखेने साहिल रमजान अली खान उर्फ मस्सा, मोहम्मद अजमल कासम शेख, शमसुद्दीन शाह, इम्रान पठाण, मोहम्मद तौफिक मन्सूरी, मोहम्मद इस्माईल सिद्दीकी, सरफराज खान, रईस कुरेशी, प्रियांका करकौर, कैनात खान, सईद शेख आणि अली जावेद मिर्झा यांना अटक केली.
तपासानंतर गुन्हे शाखेने साहिल रमजान अली उर्फ मस्सा यांचे मालेगाव येथील फार्म हाऊस, शिळफाटा येथील फ्लॅट, रोख ३५ हजार रुपये आणि ५१.८४० ग्रॅम सोने जप्त केले आहे.
कायनात खान यांचे घणसोली येथील फार्म हाऊस आणि शीळ फाटा येथील चाळ येथील खोली जप्त करण्यात आली आहे.
आरोपी सरफराज खान उर्फ गोल्डन भुरा याची शीळ फाटा येथे असलेली कार आणि फ्लॅट जप्त करण्यात आला आहे.
दुसरी आरोपी प्रियांकाच्या घरातून 17,06,250 रुपये जप्त करण्यात आले आहेत.
सह पोलीस आयुक्त (गुन्हे) लखमी गौतम, अपर पोलीस आयुक्त शशीकुमार मीना, पोलीस उपायुक्त राज तिलक रोशन, सहाय्यक पोलीस आयुक्त चंद्रकांत जाधव यांच्या सूचनेनुसार वरील कारवाई गुन्हे शाखा 6 चे प्रभारी पोलीस निरीक्षक रवींद्र साळुंखे, तपास अधिकारी हनुमंत ननावरे व पथकाने केली आहे.
