फरार कैद्याला मुंबई गुन्हे शाखेने उत्तर प्रदेशातून अटक केली
श्रीश उपाध्याय
मुंबई
पॅरोलवर सुटलेल्या फरार कैद्याला मुंबई गुन्हे शाखेने उत्तर प्रदेशातून अटक केली आहे.
जुबेर बशीर अहमद इंद्रीशी याला 2011 मध्ये एमआयडीसी पोलिस ठाण्यात खुनाच्या आरोपाखाली अटक करण्यात आली होती. या खटल्याची सुनावणी झाल्यानंतर सत्र न्यायालयाने 27 फेब्रुवारी 2017 रोजी जुबेरला दोषी ठरवून जन्मठेपेची शिक्षा सुनावली.
तेव्हापासून झुबेर येरवडा कारागृहात होता. झुबेरला 20 जून 2020 रोजी पॅरोलवर सोडण्यात आले. 4 ऑगस्ट 2020 रोजी त्याला पुन्हा तुरुंगात जायचे होते, मात्र तुरुंगात परत येण्याऐवजी तो फरार झाला.
या प्रकरणाचा तपास करणाऱ्या गुन्हे शाखा 5 ने खबरी आणि तंत्रज्ञानाच्या मदतीने झुबेरला उत्तर प्रदेशातील मिर्झापूर येथून अटक केली आहे.
सहपोलीस आयुक्त लखमी गौतम (गुन्हे), अपर पोलीस आयुक्त शशीकुमार मीना, पोलीस उपायुक्त राज तिलक रोशन यांच्या सूचनेनुसार गुन्हे शाखा ५ चे प्रभारी पोलीस निरीक्षक घनश्याम नायर यांच्या पथकाने वरील कारवाई केली आहे.
