खुलताबाद येथील विहिरीत पडलेल्या अजगराला काढले सुखरूप बाहेर

खुलताबाद येथील गट नंबर 122 मध्ये नंदनलाल वर्मा यांच्या विहिरीत पडलेल्या सहा फुटी अजगरास सर्पमित्राने सुखरूप बाहेर काढून वन विभागाच्या स्वाधीन केले आहे. वन विभागाच्या कर्मचाऱ्यांनी या अजगरास वन्य परिसरात सोडले असून सर्पमित्र सुरेश साळवे यांनी या अजगरास विहिरीतून बाहेर काढले. वर्मा यांना हा अजगर त्यांच्या विहिरीत पाच दिवसा अगोदर दिसला होता.