Mumbai: विमानतळाच्या ठिकाणी राहणाऱ्या रहिवाशांची पुनर्वसनाच्या नावाखाली फसवणूक 12 जणांना अटक

विमानतळाच्या जमिनीवर राहणाऱ्या रहिवाशांच्या पुनर्वसनाच्या नावाखाली फसवणूक करणाऱ्या १२ जणांना साकीनाका परिसरात अटक करण्यात आली असून, साकीनाका पोलीस या प्रकरणाचा तपास करत आहेत.

Mumbai: विमानतळाच्या जमिनीवर राहणाऱ्या लोकांचे पुनर्वसन करण्याच्या उद्देशाने सुमारे 10 वर्षांपूर्वी कुर्ला, प्रीमियर रोडवरील 30 इमारतींमध्ये 18222 फ्लॅट बांधण्यात आले. विमानतळ प्राधिकरणाच्या हलगर्जीपणामुळे कुर्ला कमानी, बैल बाजार, साकीनाका परिसरातील विमानतळाच्या जमिनीवर राहणाऱ्या नागरिकांचे पुनर्वसन होऊ शकले नाही आणि राज्य सरकारने अन्य प्रकल्पग्रस्तांचे पुनर्वसन त्या ठिकाणीच केले.

26 फेब्रुवारी 2024 रोजी स्थानिक आमदार दिलीप लांडे यांनी संदेश नगर, बैल बाजार, क्रांतीनगर येथील 1528 रहिवाशांना फ्लॅटच्या चाव्या मुख्यमंत्री एकनाथ शिंदे यांच्या हस्ते वाटप केल्या.
दिलीप लांडे यांनी एमएमआरडीए, एसआरए आणि तहसीलदार यांच्यासमवेत 1 मार्च रोजी 394 लोकांना आणि 4 मार्च रोजी 567 लोकांना पुनर्वसनासाठी घरांच्या चाव्या दिल्या.
या संपूर्ण प्रकरणात भ्रष्टाचाराचा आरोप करत माजी मंत्री नसीम खान यांनी या संपूर्ण प्रकरणाची चौकशी करून भ्रष्टाचारात सहभागी असलेल्या सर्व आरोपींवर कारवाई करावी, अशी मागणी केली आहे.
याप्रकरणी स्थानिक शिवसेना आमदार दिलीप

लांडे यांच्याशी बोलण्याचा प्रयत्न करण्यात आला मात्र त्यांच्याशी संपर्क होऊ शकला नाही.
याच प्रकरणाबाबत बोलताना साकीनाका पोलीस ठाण्याचे वरिष्ठ पोलीस निरीक्षक गबाजी चिमटे म्हणाले की, या प्रकरणाची तक्रार स्थानिक आमदार दिलीप लांडे यांनी केली होती. या तक्रारीच्या आधारे कार्रवाई करत आम्ही 12 जणांना अटक केली आहे. या प्रकरणाचा तपास सुरू आहे.

या संपूर्ण प्रकरणाशी संबंधित पोलीस एफआयआर पाहिल्यास स्थानिक आमदार दिलीप लांडे यांनी तक्रार केली नसल्याचे स्पष्ट होते. पोलिसांच्या एफआयआरनुसार, त्यांना काही लोकांना बनावट कागदपत्रांच्या आधारे फ्लॅटच्या चाव्या मिळाल्याची माहिती मिळाली होती. या संपूर्ण प्रकरणात
स्थानिक आमदार दिलीप लांडे यांना वाचवण्याचा पोलिसांचा प्रयत्न आहे की काय, अशी शंका उपस्थित होत आहे.