मुंबई गुन्हे शाखे 8ची कारवाई डॉलर ते रुपयाच्या व्यवहारात फसवणूक करणाऱ्या ३ आरोपींना अटक

रुपयात डॉलर्सची देवाणघेवाण करून फसवणूक करणाऱ्या टोळीचा मुंबई गुन्हे शाखा 8 ने पर्दाफाश केला आहे. पोलिसांनी तीन आरोपींना अटक केली आहे.

वाकोला, सांताक्रूझ येथील पंचतारांकित हॉटेलमध्ये तक्रारदाराची कृष्णन नावाच्या व्यक्तीशी भेट झाली. कृष्णन यांनी स्वत:ला फिल्म इंडस्ट्रीशी जोडलेले असल्याचे सांगितले. तक्रारदाराचा विश्वास संपादन केल्यानंतर 27 फेब्रुवारी रोजी कृष्णन याने 25 हजार अमेरिकन डॉलर्सची मागणी केली आणि त्या बदल्यात पैसे देण्याचे आश्वासन दिले. तक्रारदार डॉलर्स घेऊन हॉटेलमध्ये पोहोचले असता कृष्णन डॉलर घेऊन हॉटेलच्या खोलीतून बाहेर आला आणि पळून गेला. याप्रकरणी पोलिसांनी तक्रार नोंदवली असून तपासाची जबाबदारी गुन्हे शाखेकडे देण्यात आली आहे.

तपासादरम्यान हा प्रकार देशभरातील अनेक व्यावसायिकांची फसवणूक करण्यात आला असून काही टोळी हा गुन्हा करत असल्याची माहिती पोलिसांना मिळाली.
गुप्त माहितीच्या आधारे पोलिसांनी माजिद अब्दुल मलिक खान, मयंक प्रदीप शर्मा आणि आकाश अग्रवाल या तीन आरोपींना अटक केली आहे. पोलीस या प्रकरणाचा तपास करत आहेत.

सह पोलिस आयुक्त (गुन्हे) लखमी गौतम, अतिरिक्त पोलिस आयुक्त शशीकुमार मीना, पोलिस उपायुक्त (पी-१) विशाल ठाकूर, सहायक पोलिस आयुक्त महेश देसाई.
यांच्या सूचनेनुसार गुन्हे शाखा 8 चे प्रभारी पोलीस निरीक्षक लक्ष्मीकांत साळुंखे यांच्या पथकाने वरील कारवाई केली आहे.