दोन कोटी रुपयांच्या हशिश तेलासह दोन अमली पदार्थ पैडलरांना अटक

श्रीश उपाध्याय/मुंबई

मुंबई अँटी नार्कोटिक्स सेलच्या आझाद मैदान युनिटने दोन कोटी रुपयांच्या हशिश तेलासह दोन आरोपींना वांद्रे परिसरातून अटक केली आहे.
मुंबई ANC च्या आझाद मैदान युनिटचे पोलीस अधिकारी गुरुवारी वांद्रे येथील केसी रोडवर गस्त घालत होते. त्याचवेळी त्याला दोन जण संशयास्पद स्थितीत दिसले. पोलिसांनी त्याची चौकशी केली असता त्यांच्याकडे 2 किलो हशिशतेल सापडले, ज्याची किंमत 2 कोटी रुपये आहे. अटक करण्यात आलेले दोन्ही आरोपी आनंद कुमार आणि उदय हे तामिळनाडूचे आहेत. दोन्ही आरोपी मुंबईत हशिशतेल विकण्यासाठी आले होते. पोलीस या प्रकरणाचा तपास करत असून मुंबईत हशिश कोण विकत आहेत याचा शोध घेण्याचा प्रयत्न करत आहेत.

या वर्षी आतापर्यंत मुंबई ANC ने 50 कोटी रुपयांचे ड्रग्ज जप्त केले असून एकूण 208 ड्रग्ज पैडलरांवर कारवाई केली आहे. अटक करण्यात आलेल्या आरोपींमध्ये 14 नायजेरियाचे तर 2 टांझानियाचे नागरिक आहेत.

सहपोलीस आयुक्त लखमी गौतम, अपर पोलीस आयुक्त शशीकुमार मीना, पोलीस उपायुक्त प्रकाश जाधव यांच्या सूचनेनुसार वरील कारवाई मुंबई ANC च्या आझाद मैदान युनिटचे प्रभारी पोलीस निरीक्षक राजेंद्र दहिफळे यांच्या पथकाने केली आहे.