मुंबई अंमली पदार्थ विरोधी पथकची कारवाई (वरळी आणि कांदिवली युनिट)

श्रीश उपाध्याय/मुंबई

मुंबई अँटी नार्कोटिक्स सेलच्या कांदिवली आणि वरळी युनिटने दोन वेगवेगळ्या कारवाईत एकूण तीन आरोपींना अटक केली असून त्यांच्याकडून 75 रुपयांहून अधिक किमतीचे ड्रग्ज जप्त केले आहेत.
गुप्त माहितीच्या आधारे अँटी नार्कोटिक्स सेलच्या वरळी युनिटने वडाळ्यातील किडवई रोडवर छापा टाकला. या छाप्यादरम्यान नितीन मामोणकर नावाच्या आरोपीकडून वेगवेगळ्या रंगाच्या 100 एमडी गोळ्या जप्त करण्यात आल्या. जप्त करण्यात आलेल्या एमडीची किंमत 15,42,000 रुपये असल्याचे सांगण्यात येत आहे.
वरिष्ठांच्या सूचनेनुसार वरळी युनिटचे प्रभारी पोलीस निरीक्षक संदीप काळे यांच्या पथकाने वरील कारवाई केली आहे.

गोरेगाव पूर्व येथे अमली पदार्थ विरोधी सेलच्या कांदिवली युनिटने गुप्त माहितीच्या आधारे छापा टाकला. छाप्यादरम्यान उत्तराखंडचे रहिवासी नदीम इसरार अली आणि हबीब शमीम गोरे यांना 150 ग्रॅम हेरॉईनसह अटक करण्यात आली. जप्त करण्यात आलेल्या हेरॉईनची किंमत 60 लाख रुपये असल्याचे सांगण्यात येत आहे.

सह पोलिस आयुक्त (गुन्हे) लखमी गौतम, अतिरिक्त पोलिस आयुक्त शशीकुमार मीना, पोलिस उपायुक्त प्रकाश जाधव यांच्या सूचनेनुसार कांदिवली युनिटचे प्रभारी पोलिस निरीक्षक रुपेश नाईक यांच्या पथकाने ही कारवाई केली.