श्रीश उपाध्याय
मुंबई
मुंबईतील मानखुर्द परिसरात एका व्यक्तीवर गोळी झाडून फरार झालेल्या आरोपीला पोलिसांनी २४ तासांत अटक केली आहे.
मानखुर्द, कुर्ला भंगार मांडला परिसरात रविवारी रात्री एका रिकाम्या जागेवर कब्जासाठी दोघांमध्ये वाद झाला. त्याचवेळी मुस्ताकीन शेख याने बंदूक काढून एका व्यक्तीवर गोळी झाडली आणि तेथून पळ काढला. या प्रकरणाची माहिती मिळताच मानखुर्द पोलिसांनी धाव घेतली. पोलिसांनी मुस्ताकीनला अटक केली आहे.
अतिरिक्त पोलीस आयुक्त विनायक देशमुख , पोलीस उपायुक्त हेमराजसिंग राजपूत यांच्या सूचनेनुसार मानखुर्द पोलीस ठाण्याचे वरिष्ठ पोलीस निरीक्षक महादेव कोळी यांच्या पथकाने वरील कारवाई केली आहे.
