श्रीश उपाध्याय/मुंबई
अंधेरी पोलिसांनी तीन तासांत चोरट्याला चोरीच्या मालासह अटक केली.
अंधेरी पूर्व येथील पल्लवी हॉटेलच्या मागे असलेल्या पुरुषोत्तम विलास चाळमधील घरात चोरीची घटना घडली. चोरट्याने कपाटात ठेवलेले दागिने व रोख रक्कम चोरून नेली. तक्रार प्राप्त होताच अंधेरी पोलिसांची धावपळ उडाली.घटनेच्या अवघ्या तीन तासात पोलिसांनी आरोपी जान आलम उर्फ मैफुज खान याला जोगेश्वरी येथून अटक केली. पोलिसांनी त्याच्याकडून 1,65,000 रुपयाचे दागीने आणि 25,000 रुपये नगद चोरीचा मुद्देमाल जप्त केला आहे.
सह पोलीस आयुक्त सत्यनारायण चौधरी, अतिरिक्त पोलीस आयुक्त परमजीतसिंग दहिया, पोलीस उपायुक्त दत्ता नलावडे यांच्या सूचनेनुसार अंधेरी पोलीस ठाण्याचे वरिष्ठ पोलीस निरीक्षक उमेश माछिदर यांच्या पथकाने ही कारवाई केली आहे.
