ठाण्यातील मुंब्रा येथील खान कंपाउंड मधील एका गोदामाला आग

ठाण्यातील मुंब्रा येथील खान कंपाउंड मध्ये आज संध्याकाळच्या सुमारास एका गोदामाला अचानक आग लागल्याची घटना घडली आहे. या आगीची माहिती मिळताच स्थानिकांनी अग्निशमन दलाला पाचारण केले. अग्निशमन दलाने घटनास्थळी धाव घेऊन आज विजवण्यासाठी शर्थीचे प्रयत्न सुरू केले आहेत. ही आग लागण्या मागचे कारण अद्याप समजू शकलेले नाही परंतु शॉर्ट सर्किट मुळे ही आग लागली असावी असा प्राथमिक अंदाज अग्निशमन दलाकडून वर्तवण्यात आला आहे. सुदैवाने या घटनेत कुठलीही जीवितहानी झाली नसून गोदाम जाळून मोठे नुकसान झाले आहे. सध्या आग विजवण्याची प्रक्रिया सुरू आहे.