वांद्रे पश्चिममधील नागरिकांनी काढली ‘विजयाच्या निर्धाराची पदयात्रा’ – महायुतीचे उमेदवार आ. ऍड. आशिष शेलार यांचे घरोघरी झाले स्वागत

वांद्रे पश्चिममधील नागरिकांनी काढली ‘विजयाच्या निर्धाराची पदयात्रा’
– महायुतीचे उमेदवार आ. ऍड. आशिष शेलार यांचे घरोघरी झाले स्वागत

मुंबई : विधानसभा निवडणुकीच्या पार्श्वभूमीवर वांद्रे पश्चिम मतदारसंघातील नागरिकांनी रविवार, दि. २७ ऑक्टोबर रोजी स्वयंस्फूर्तीने ‘विजयाच्या निर्धाराची पदयात्रा’ काढली. महायुतीचे उमेदवार तथा मुंबई भाजप अध्यक्ष आ. ऍड. आशिष शेलार यांचे यावेळी घरोघरी स्वागत करण्यात आले.

वांद्रे पश्चिम विधानसभा मतदारसंघातील वॉर्ड क्रमांक ९९ मध्ये गझदर बांध परिसरातून पदयात्रेला सुरुवात झाली. या पदयात्रेत नागरिक स्वयंस्फूर्तीने सहभागी झाले. आमदार शेलार यांनीही घरोघरी जात शुभेच्छांचा स्वीकार केला. थोरा मोठ्यांचे आशीर्वाद घेतले. विजयाचा गुलाल आशिष शेलारच उधळणार, असा विश्वास यावेळी नागरिकांनी व्यक्त केला. हनुमान नगर, प्यारी नगर, गुलाब नगर, आंबेडकर रोड अशा चाललेल्या पदयात्रेत महायुतीचे पदाधिकारी आणि कार्यकर्ते बहुसंख्येने उपस्थित होते.

“वांद्रे पश्चिममधील नागरिकांनी जागोजागी ज्या पद्धतीने स्वागत केले आणि जो प्रचंड प्रतिसाद दिला, ते पाहून नवी ऊर्जा मिळाली. वांद्रेवासीयांच्या या प्रेमासाठी आणि पाठिंब्यासाठी त्यांचे मनःपूर्वक आभार”, अशी प्रतिक्रिया आमदार आशिष शेलार यांनी यावेळी व्यक्त केली.
………..

खाद्यपदार्थांचा घेतला आस्वाद

वांद्रे पश्चिम विधानसभा मतदारसंघातील हिरावती बँक्वेट, सांताक्रूझ पश्चिम येथे आयोजित केलेल्या फूड फेस्टिवलला भेट देऊनआमदार आशिष शेलार यांनी विविध खाद्यपदार्थांचा आस्वाद घेतला. त्याआधी वॉर्ड क्र. १०० येथे महायुती कार्यकर्त्यांचा मेळावा संपन्न झाला. यावेळी निवडणुकीच्या पार्श्वभूमीवर मार्गदर्शन करून शेलार यांनी उपस्थितांशी संवाद साधला.