Mumbai: मुंबई क्राईम ब्रँच 2 ने 30 लाख रुपयांची बंदी असलेली ई-सिगारेट पकडली

मुंबई गुन्हे शाखा 2 ने मंगलदास मार्केटमधून एका व्यावसायिकाला अटक केली असून त्याच्याकडून 30 लाख रुपयांच्या प्रतिबंधित ई-सिगारेट जप्त केल्या आहेत.
फैसल जमाल मोतीलाल हा मुंबईतील मंगलदास मार्केटमधील इमिटेशन ज्वेलरी दुकानातून प्रतिबंधित ई-सिगारेटची विक्री करत असल्याची गुप्त माहिती गुन्हे शाखा 2 ला मिळाली होती. या माहितीच्या आधारे पोलिसांनी फैसलच्या दुकानावर आणि घरावर छापा टाकला. छाप्यादरम्यान पोलिसांना 1000 ई-सिगारेट सापडल्या ज्यांची किंमत 30 लाख रुपये आहे.
सह पोलिस आयुक्त लखमी गौतम(क्राइम), अतिरिक्त पोलिस आयुक्त शशीकुमार मीना, उप पोलिस उपायुक्त दत्ता नलावडे, सहायक पोलिस आयुक्त दत्तात्रय नाडे यांच्या सूचनेनुसार वरील कारवाई गुन्हे शाखे 2चे प्रभारी पोलिस निरीक्षक दिलीप तेजनकर यांच्या पथकाने केली आहे.