20 वर्षांपासून वॉन्टेड असलेला आरोपी अयुब मोहम्मद सलीम शेख याला मुंबई गुन्हे शाखेला वीस वर्षांनी सापडले आहे. आरोपी अनेकदा सिम बदलून नातेवाईकांशी बोलत असे. पोलिसांनी आता प्रत्येक अनोळखी नंबरचे कॉल डिटेल्स काढले, ज्यामध्ये त्याचे लोकेशन सापडले. पोलिसांनी सापळा रचून त्याला कळवा परिसरातून अटक केली.
अयुब गेल्या दोन दशकांपासून पोलिसांसोबत लपाछपी खेळत होता. मुलुंड महानगर दंडाधिकारी न्यायालयानेही त्याला फरार घोषित केले होते. पोलीस त्याला पकडण्यासाठी जवळ आले की तो कधी लोकेशन बदलत असे तर कधी मोबाईल बदलत असे. यावेळी तो त्याच्या जवळच्या नातेवाईकांच्या संपर्कात असल्याची माहिती गुन्हे शाखेला मिळाली. त्यानंतर त्याचे कॉल डिटेल्स काढण्यात आले.
गुन्हे शाखा युनिट 7 चे प्रभारी आत्माजी सावंत यांनी सांगितले की, आरोपी त्याच्या दिलेल्या पत्त्यावर राहत नाही. 2004 पासून फरार होता. आरोपी अनेकदा वेगवेगळे सिमकार्ड वापरत होता. त्याच्या सहआरोपींनी वापरलेल्या सर्व मोबाईल फोनचे वारंवार तांत्रिक विश्लेषण केले असता ते लोकेशन ठाणे, पनवेलच्या दिशेने येत असल्याचे समोर आले. सदर आरोपी वारंवार जागा बदलत असल्याने तो कळवा जिल्हा-ठाण्यात आल्याची माहिती आम्हाला मिळाली. वरिष्ठांच्या परवानगीने सेलचे पोलीस पथक कळवा, जिल्हा-ठाणे येथे रवाना झाले व सदर ठिकाणी शोध घेतल्यानंतर फरार आरोपीला शिव शंकर चाळ, भास्कर नगर, पारसिक बोगदा, कळवा, ठाणे जवळ अटक करण्यात आली. मुलुंड आणि देवनार व्यतिरिक्त एनडीपीएसचे गुन्हेही आरोपींवर दाखल आहेत. पुढील कारवाईसाठी तो मुलुंड पोलिस ठाण्याच्या ताब्यात देण्यात आला आहे.
