Mumbai: नार्कोटिक्स कंट्रोल ब्युरोने जप्त केलेले सुमारे 1000 किलो ड्रग्ज नष्ट केले

नार्कोटिक्स कंट्रोल ब्युरोने 95 प्रकरणात जप्त केलेले 982 किलो 100 ग्रॅम ड्रग्ज नष्ट केले आहेत. अशी माहिती नार्कोटिक्स कंट्रोल ब्युरो, मुंबईचे अतिरिक्त संचालक अमित घावटे यांनी प्रसिद्धीपत्रकाद्वारे दिली आहे.
अमित घावटे म्हणाले की, तळोंजा, नवी मुंबई येथे 95 गुन्हेगारी प्रकरणांतर्गत जप्त करण्यात आलेली सुमारे 1000 किलो ड्रग्स जाळण्यात आली आहेत. गेल्या वर्षभरात अनेक ड्रग्ज विक्रेते आणि माफिया पकडले गेले आहेत. या कालावधीत अनेक प्रकारचे अमली पदार्थ जप्त करून अमली पदार्थांच्या व्यापारावर धडक कारवाई करण्याचे प्रयत्न सुरू आहेत.