कायद्याची पायमल्ली करत आहे “काँग्रेस हाऊस”!

श्रीश उपाध्याय/मुंबई: विठ्ठल भाई पटेल रोडवरील ऑपेरा हाऊसजवळील नूर मोहम्मद बेग कंपाउंड, 417 मध्ये “काँग्रेस हाऊस” कायद्याचे उल्लंघन करत आहे.

नाव वाचून असे वाटेल कि काँग्रेस पक्षाशी निगडीत एखादे कंपाउंड असेल, पण ते कुठल्या पक्षाचे कंपाउंड नसून खुलेआम वेश्याव्यवसायाचे अड्डे आहे.
मुंबई उपनगरचे पालकमंत्री,पर्यटन आणि कौशल्य मंत्रालयाचे मंत्री मंगल प्रभात लोढा यांच्या विधानसभेत असलेल्या काँग्रेस हाउसमधे खुलेआम वेश्याव्यवसाय सुरू आहे. नाच-गाण्याच्या नावाखाली बेकायदेशीरपणे मुजरा आयोजित केला जातो.

काँग्रेस हाउसात सुरू असलेल्या वेश्याव्यवसायाकडे पोलिस ढुंकूनही पाहत नाहीत. कोणत्याही शाळेपासून 500 मीटर अंतरावर सुरू असलेल्या पान मसाला दुकानांवर कडक कारवाई करणारी महापालिकाही या काँग्रेस सदनावर कोणतीही कारवाई करत नाही,तर क्वीन मेरी गर्ल्स आयसीएससी स्कूल काँग्रेस हाऊसपासून अवघ्या 10 मीटर अंतरावर आहे.
याप्रकरणी मंगल प्रभात लोढा यांच्याशी बोलण्याचा प्रयत्न करण्यात आला, मात्र त्यांनी फोन किंवा एसएमएसला प्रतिसाद दिला नाही.