चोरीच्या मोबाईलच्या धंद्यात सहभागी 5 आरोपींना अटक
मुंबई गुन्हे शाखा 6 ने चोरीच्या मोबाईलचा व्यापार करणाऱ्या 5 आरोपींना अटक केली आहे. काही लोक चोरीचे मोबाईल खरेदी करून त्याचा आयएमईआय नंबर बदलून
श्रीश उपाध्याय/मुंबई: मुंबई गुन्हे शाखा 6 ने चोरीच्या मोबाईलचा व्यापार करणाऱ्या 5 आरोपींना अटक केली आहे.
काही लोक चोरीचे मोबाईल खरेदी करून त्याचा आयएमईआय नंबर बदलून विकत असल्याची गुप्त माहिती गुन्हे शाखा 6 ला मिळाली होती.
या माहितीच्या आधारे पोलिसांनी शिवाजी नगर येथे छापा टाकला. छाप्यादरम्यान चोरीचे 162 स्मार्ट फोन आणि 1 लॅपटॉप जप्त करण्यात आला आहे. जप्त केलेल्या मालाची किंमत 15,88,800 रुपये असल्याचे सांगण्यात येत आहे.
या प्रकरणी पोलिसांनी आसिफ शेख, मोहम्मद तौसिफ अयुब सिद्दीकी, मोहम्मद मेराज शेख उर्फ राजा, मोहम्मद राजा अनीस अन्सारी आणि मोहम्मद जहांगीर यांना अटक केली आहे.
पोलीस या प्रकरणाचा तपास करत आहेत.
सह पोलिस आयुक्त (गुन्हे) लखमी गौतम, अपर पोलिस आयुक्त शशीकुमार मीना, पोलिस उपायुक्त विशाल ठाकूर यांच्या सूचनेनुसार वरील कारवाई गुन्हे शाखे 6चे प्रभारी पोलिस निरीक्षक भरत घोणे यांच्या पथकाने केली आहे.
