कोट्यवधी रुपयांचा दागींने लुटणाऱ्या दरोडेखोरांना वाकोला पोलिसांनी केले जेरबंद

श्रीश उपाध्याय

मुंबई

सांताक्रूझ च्या
वाकोला परिसरात दागिने लुटणाऱ्या ५ जणांना पोलिसांनी लुटलेल्या मालासह अटक केली आहे.
वाकोला येथील नरेश सोळंकी यांना त्यांच्या सहकाऱ्याने १९ जानेवारी रोजी सकाळी १० वाजता लुटले होते. नरेश आणि त्याच्या पत्नीला मारहाण केल्यानंतर दरोडेखोरांनी 2.232 किलो सोने आणि 385 ग्रॅम चांदीचे दागिने लुटून पळ काढला.

पोलिसांनी वाकोला पोलिस ठाण्यात दरोड्याचा गुन्हा दाखल करून तपास सुरू केला. तंत्रज्ञानाच्या मदतीने पोलिसांनी बाळूसिंग परमार आणि महिपाल सिंग या दोन दरोडेखोरांना पालघरमधून अटक केली. त्यांच्या चौकशीच्या आधारे पोलिसांनी लुटलेल्या मालासह अन्य तीन आरोपी लेरुलाल भील, मांगीलाल भील आणि कैलास भील यांना अटक केली आहे. दरोड्यात वापरलेले पिस्तूल आणि इतर हत्यारेही जप्त करण्यात आली आहेत. पोलीस या प्रकरणाचा तपास करत आहेत.

मुंबईचे पोलीस आयुक्त विवेक फणसळकर, सह पोलीस आयुक्त सत्यनारायण चौधरी, अतिरिक्त पोलीस आयुक्त परमजीतसिंग दहिया, पोलीस उपायुक्त दीक्षित गोदाम यांच्या सूचनेनुसार वाकोला पोलीस दलाचे वरिष्ठ पोलीस निरीक्षक प्रकाश खांडेकर यांच्या पथकाने ही कारवाई केली आहे.