श्रीश उपाध्याय/मुंबई
मुंबई अँटी नार्कोटिक्स सेलच्या आझाद मैदान युनिटने दोन वर्षांपासून फरार असलेला कुख्यात अमली पदार्थ विक्रेता मोईन खान याला अटक केली आहे.
ANC च्या आझाद मैदान युनिटने 24 मार्च 2022 रोजी भायखळा परिसरातून एका आरोपीला 4.7 कोटी रुपयांच्या 3.110 किलो एमडीसह अटक केली होती. या प्रकरणातील आरोपी मोईन खान हा फरार होता. मोईन खान हा कुख्यात ड्रग्ज डीलर आरिफ भुजवाला आणि चिंकू पठाण यांचा सहकारी आहे. गेल्या दोन वर्षांपासून तो राजस्थान, गुजरात आणि ठाण्यात लपून बसला होता.
बऱ्याच प्रयत्नांनंतर आझाद मैदान युनिटने मोईनला अटक केली आहे. मोईन खानला ३१ जानेवारीपर्यंत पोलीस कोठडीत ठेवण्याचे निर्देश न्यायालयाने दिले आहेत.
नार्कोटिक्स कंट्रोल ब्युरोही मोईन खानचा शोध घेत होते.
मुंबई एएनसीचे पोलीस उपायुक्त प्रकाश जाधव यांच्या सूचनेनुसार आझाद मैदान युनिटचे प्रभारी पोलीस निरीक्षक राजेंद्र दहिफळे यांच्या पथकाने वरील कारवाई केली आहे.
