प्रधानमंत्री नरेंद्र मोदी यांचे साई संस्थान हेलिपॅड येथे आगमन

शिर्डी, दि. 26 :-

प्रधानमंत्री नरेंद्र मोदी यांचे शिर्डी (जि.अहमदनगर) येथे आयोजित विविध कार्यक्रमांच्या शुभारंभासाठी आज भारतीय वायू दलाच्या विशेष विमानाने काकडी (शिर्डी) विमानतळ येथे आगमन झाले.

प्रधानमंत्री श्री. मोदी यांचे शिर्डी विमानतळावरून साई संस्थान हेलिपॅड येथे आगमन झाल्यानंतर राज्यपाल रमेश बैस, मुख्यमंत्री एकनाथ शिंदे, उपमुख्यमंत्री देवेंद्र फडणवीस, उपमुख्यमंत्री अजित पवार, महसूल, पशुसंवर्धन, दुग्धव्यवसाय विकास मंत्री तथा जिल्ह्याचे पालकमंत्री राधाकृष्ण विखे पाटील यांनी स्वागत केले.

यावेळी खासदार सदाशिव लोखंडे, खासदार डॉ. सुजय विखे पाटील, विभागीय आयुक्त राधाकृष्ण गमे, नाशिक परिक्षेत्राचे विशेष पोलीस महानिरीक्षक बी. जी. शेखर पाटील यांनीही प्रधानमंत्री श्री. मोदी यांचे स्वागत केले.