दहशतवादी घटनेची चुकीची माहिती दिली,
मग पोलिसांनी पकडले
श्रीश उपाध्याय
मुंबई
मुंबईतील दहशतवादी हल्ल्याची खोटी माहिती देऊन भीतीचे वातावरण निर्माण करण्याचा प्रयत्न करणाऱ्याला गुन्हे शाखा 9 ने अटक केली आहे.
31 ऑगस्ट रोजी एका व्यक्तीने मुंबई पोलिसांच्या मुख्य नियंत्रण कक्षाला फोन करून दोन पाकिस्तानी दहशतवादी ताज हॉटेलमध्ये बॉम्बस्फोट घडवणार असल्याची माहिती दिली. मुकेश सिंग असे आपले नाव सांगताना त्याने फेसबुकच्या माध्यमातून ही माहिती मिळाल्याचे सांगितले. गुन्हे शाखा ९ ने या प्रकरणाचा तपास सुरू केला. तंत्रज्ञानाच्या मदतीने गुन्हे शाखेने सांताक्रूझच्या गोळीबार भागात राहणाऱ्या मुकेश सिंग याला खोटी माहिती देऊन भीती पसरवल्याच्या आरोपावरून अटक केली आहे. गुन्हे शाखेने मुकेशला सांताक्रूझ पोलिसांच्या ताब्यात दिले आहे. सांताक्रूझ पोलीस अधिक तपास करत आहेत.
सहायक पोलिस आयुक्त(अपराध)लखमी गौतम, अतिरिक्त पोलिस आयुक्त शशीकुमार मीना, उप पोलिस आयुक्त राज तिलक रोशन, सहायक पोलिस आयुक्त महेश देसाई यांच्या सूचनेनुसार वरील कारवाई गुन्हे शाखे 9 चे प्रभारी पोलिस निरीक्षक दया नायक यांच्या पथकाने केली.
