माजी एन्काउंटर स्पेशालिस्ट प्रदीप शर्मा यांच्या अंतरिम जामिनाची मुदत चार आठवड्यांनी वाढवण्यात आली

श्रीश उपाध्याय/मुंबई

मुंबई पोलिसांचे माजी एन्काउंटर स्पेशालिस्ट प्रदीप शर्मा यांना सुप्रीम कोर्टाने तीन आठवड्यांच्या अंतरिम जामिनाची मुदत वाढवून दिली आहे.
प्रदीप शर्मा यांनी पत्नीची प्रकृती अस्वास्थ्याचे कारण देत त्यांना भेटण्यासाठी जामिनासाठी अर्ज केला होता. ज्याला न्यायालयाने ५ जून रोजी मान्यता दिली. मनसुख हिरेन खून प्रकरणात प्रदीप शर्मा सध्या तुरुंगात होते. प्रदीप शर्मावर अँटिलिया बॉम्ब प्रकरणात सहभाग आणि व्यापारी मनसुख हिरेनच्या हत्येचा कट रचल्याचा आरोप आहे. गेल्या सुनावणीत सर्वोच्च न्यायालयाने प्रदीप शर्मा यांना नव्याने अंतरिम जामीन अर्ज दाखल करण्याचे निर्देश दिले होते. प्रदीप शर्मा यांनी आपल्या याचिकेत सांगितले होते की, शस्त्रक्रियेनंतर त्यांच्या पत्नीला गंभीर समस्या निर्माण झाल्या होत्या. याशिवाय पत्नीची प्रकृती दिवसेंदिवस खराब होत असल्याचा दावाही त्यांनी केला होता. त्यांची आई ९३ वर्षांची असून त्यांची पत्नी त्यांच्या आईची काळजी घेत असल्याचेही त्यांनी सांगितले.

सध्या प्रकृती अस्वास्थ्यामुळे पत्नी आणि तिच्या आईची काळजी घेण्यासाठी कोणीही नाही. जामिनावर सुटका न केल्यास पत्नीची प्रकृती आणखी बिघडू शकते, असे शर्मा यांनी जामीन अर्जात म्हटले होते. शर्मा यांनी मुंबई उच्च न्यायालयाच्या आदेशाला आव्हान दिले असून, त्याआधी मुंबई उच्च न्यायालयाने 23 जानेवारी रोजी त्यांना जामीन नाकारला होता. या याचिकेवर सुनावणी घेतल्यानंतर सर्वोच्च न्यायालयाने ५ जून रोजी प्रदीप शर्मा यांची ३ आठवड्यांच्या अंतरिम जामिनावर सुटका केली होती. आता या अंतरिम जामिनाची मुदत आणखी ४ आठवडे वाढवण्यात आली आहे.

एनआयएने प्रदीप शर्मा यांच्यावर अँटिलिया स्फोटके प्रकरणात आणि मनसुख हिरेनच्या हत्येचा कट रचल्याचा आरोप केला आहे. मनसुख हिरेनच्या हत्येसाठी शर्मा यांनी आपला माजी सहकारी सचिन वाजे याला मदत केल्याचा आरोप आहे. खरं तर, 25 फेब्रुवारी 2021 रोजी उद्योगपती मुकेश अंबानी यांच्या घराजवळ स्फोटकांनी भरलेली SUV सापडली होती. ही एसयूव्ही ठाणे येथील व्यापारी मनसुख हिरेन यांची होती. ज्यांचा मृतदेह ५ मार्च २०२१ रोजी मुंब्रा खाडीत सापडला होता. या प्रकरणी प्रदीप शर्माला जून २०२१ मध्ये अटक करण्यात आली होती आणि तो न्यायालयीन कोठडीत होते.
मात्र, प्रदीप शर्मा यांनी आपल्यावर लावण्यात आलेले आरोप फेटाळून लावले. तेव्हा शर्मा म्हणाले होते की, त्यांच्याविरुद्ध कोणताही पुरावा नाही. तर एनआयएने मनसुख हिरेनच्या हत्येचा मुख्य सूत्रधार प्रदीप हाच असल्याचा आरोप केला होता. अंबानी कुटुंबाला धमकावण्याचा कट हिरेनला माहीत होता. त्यामुळेच त्यांची हत्या करण्यात आली होती.