420 आहे प्रसिद्ध चित्रपट निर्माते ताजदार कमाल अमरोही !

पाच महिने उलटूनही पोलीस अटक करत नाहीत.

मुंबई

न्यायालयाच्या आदेशानंतर प्रसिद्ध चित्रपट निर्माते ताजदार कमाल अमरोही यांच्याविरुद्ध मालाड पोलीस ठाण्यात बनावटीचा गुन्हा दाखल होऊन पाच महिने उलटले तरी पोलीस त्यांना अटकही करत नाहीत.
ताजदार कमाल अमरोही यांनी 19 मे 2010 रोजी पाली हिल, वांद्रे पश्चिम येथील 9849 चौरस मीटर जमीन संजय हिरजी सावला यांच्या कंपनी मेसर्स अरहम लँड डेव्हलपर्स प्रायव्हेट लिमिटेडला 5 कोटी रुपयांना विकली. ताजदार अमरोही यांनी विक्री व खरेदीची नोंदणी केली. तब्बल 9 वर्षांनंतर ताजदार अमरोही यांनी तीच जमीन पुन्हा त्याच जमिनीवर वसलेल्या काझीहोम सोसायटीला 13 कोटी 50 लाखांना विकली. त्यावर आक्षेप घेत संजय सावला यांनी कोर्टाचा आसरा घेतला. या प्रकरणाची सुनावणी घेतल्यानंतर न्यायालयाने ताजदार कमाल अमरोही आणि त्या सोसायटीच्या पदाधिकाऱ्यांवर फौजदारी गुन्हा दाखल करण्याचे आदेश दिले. या आदेशानुसार, ताजदार अमरोही यांच्याविरुद्ध मालाड पोलीस ठाण्यात 3 जानेवारी 2023 रोजी एफआयआर क्रमांक 005/23 नुसार कलम 420,465,467,468,471,34,120 (बी) आणि मनी लाँडरिंग कायदा 2002 च्या कलम 3 आणि 4 अंतर्गत गुन्हा दाखल करण्यात आला आहे.

ताजदार अमरोहीला पोलीस अटक करत नसल्याचा आरोप तक्रारदार संजयने केला आहे.
याबाबत स्थानिक पोलीस उपायुक्त अजय कुमार बन्सल यांच्याशी बोलले असता त्यांनी
मला या प्रकरणाची माहिती नसल्याचे सांगितले. माहिती मिळाल्यानंतर योग्य ती कारवाई करेन.