मुंबई मारवाडी शाळेचा 111 वा वर्धापन दिन व पारितोषिक वितरण समारंभ शाळेच्या सभागृहात पार पडला. व्यवस्थापकीय समितीचे विश्वस्त अनिल मित्तल, विश्वस्त सुरेश मित्तल, श्रीमती शालिनी मित्तल, ज्येष्ठ पत्रकार अभय मिश्रा यांनी माँ सरस्वतीच्या प्रतिमेसमोर दीपप्रज्वलन करून कार्यक्रमाचे उद्घाटन केले. शाळेच्या मुख्याध्यापिका सौ.सुनीता यांनी शाळेचा वार्षिक अहवाल सादर केला. अनिल मित्तल यांनी विद्यार्थ्यांच्या मेहनतीचे व पालकांच्या सहकार्याचे कौतुक केले. विविध विषयात सर्वाधिक गुण मिळविणाऱ्या विद्यार्थ्यांना पाहुण्यांच्या हस्ते पारितोषिक देऊन गौरविण्यात आले.
यावेळी शाळेतील विद्यार्थ्यांनी ‘मुंबई – द सिटी ऑफ ड्रीम्स’ हे अतिशय सुंदर नाटक सादर करून सर्वांना मंत्रमुग्ध केले. कार्यक्रमाचे संचालन शिक्षक प्रमोद त्रिपाठी यांनी केले तर आभार प्राचार्य सौ.सरिता यांनी व्यक्त केले. वंदे मातरमने कार्यक्रमाची सांगता झाली.
