आमदार भातखळकर यांच्या विविध गणेश मंडळाना भेटी

मुंबई/श्रीश उपाध्याय, दि. 06
—————————
कांदिवली पूर्व विधानसभेतील विविध गणेश मंडळांना आमदार अतुल भातखळकर यांनी भेटी दिल्या. ठिकठिकाणी तरुण मंडळांनी उभारलेले देखावे पाहून मंडळाच्या कार्यकर्त्यांचे आमदार भातखळकर यांनी कौतुक केले.

कांदिवली पूर्व मधील हनुमान नगर, पोईसर, अशोक नगर, स्टेशन रस्ता, म्हाडा लोखंडवाला तसेच मालाड पूर्व मधील दत्त मंदिर रोड, राणीसती रोड, पुष्पा पार्क, धनजीवाडी यासह विविध ठिकाणच्या गणेश मंडळांना आमदार भातखळकर यांनी भेट दिली. श्री गणरायाची आरती करून गणेश भक्तांना शुभेच्छा दिल्या. अनेक घरगुती गणेशाचेही दर्शन घेतले. गणेश मंडळाकडून राबविण्यात येणाऱ्या विविध उपक्रमांची माहिती घेतली.

श्री गणेश विसर्जनाच्या पार्श्वभूमीवर विधानसभेतील, पायोनियर शाळेजवळ तसेच लोखंडवाला येथील कृत्रिम विसर्जन तलावाची पाहणी करून आढावा घेतला. विसर्जनासाठी येणाऱ्या गणेश भक्तांची कोणतीही गैरसोय होऊ नये, याबाबत प्रशासनाला सूचना केल्या.
गणेशोत्सवाच्या पार्श्वभूमीवर विधानसभेतील कोकण वासियांसाठी केवळ दोनशे रुपयांमध्ये गावी जाण्यासाठी दहा एसटी बसेसची सोय करून देण्यात आली. याचा लाभ कोकणवासीयांनी घेतला.