मुंबई पोलीस आयुक्त यांचा गृहनिर्माण संस्थाना कायदा हातात न घेण्याचा सल्ला.

मुंबई२६  ; मुंबई पोलीस आयुक्त संजय पांडे यांनी आज फेसबुक लाईव्ह करत मुंबईतील गृहनिर्माण सोसायट्यांनी कायदा हातात न घेण्याचा सल्ला दिला जर अशी कोणतीही तक्रार प्राप्त झाली तर त्यांच्यावर कायदेशीर कारवाई केली जाईल अशी सूचना वजा ईशारा  त्यानी दिला. मुंबई पोलीस आयुक्त यांनी कारभार हातात घेतला तेव्हा मुंबईतील ट्राफिक समस्या बाबाबत एक मोबाईल क्रमांक त्यानी  दिला होता त्यावर अनेक प्रकारच्या तक्रारी तर आल्याचं परंतु त्याच बरोबर अनेक सोसायट्या मधील पदाधिकारी देत असलेल्या त्रासाबाबत तसेच काही वरिष्ठ नागरिकांना होत असलेल्या त्रासाबाबत त्यांना तक्रारी प्राप्त झाल्या.

आज आयुक्तांनी त्यांच्या फेसबुक पेजवर लाईव्ह येत मुंबईतील गृहनिर्माण सोसायट्यांचा मनमानी कारभार आणि त्याच्या द्वारा देण्यात येणारा नाहक त्रास सहन केला जाणार नाही. याबाबतची आम्ही दाखल घेतली असून सोसायटीतील कोणत्याही सभासदाला नाहक त्रास देणे किंवा मेंटेनन्स थकला असल्याने वीज किंवा पानी कापणे अशा कोणत्याही प्रकारची कारवाई करण्याचा अधिकार सोसायट्याना नाही, तसेच सोसायटी मधील जेष्ठ नागरिकांना कोणत्याही प्रकारचा त्रास देण्यात आला तर अशा सोसायटीच्या विरोधात कायदेशीर कारवाई केली जाईल असेही त्यांनी स्पष्ट केले.