मुंबई : राष्ट्रवादी काँग्रेस शरदचंद्र पवार पक्षाच्या वतीने विधानसभेसाठी आपल्या उमेदवारांची दुसरी यादी जाहीर करण्यात आली आहे. प्रदेशाध्यक्ष जंयत पाटील यांनी आज पत्रकार परिषदेत उमेदवारांच्या नावाची घोषणा केली आहे. दुसऱ्या यादीमध्ये एकूण 22 उमेदवारांच्या नावाची घोषणा करण्यात आली आहे. राष्ट्रवादी काँग्रेस शरदचंद्र पवार पक्षाच्यावतीने पहिल्या यादीत एकूण 45 उमेदवारांच्या नावाची घोषणा करण्यात आली होती, तर दुसऱ्या यादीमध्ये आता 22 उमेदवार जाहीर करण्यात आले आहेत. राष्ट्रवादी काँग्रेस शरदचंद्र पवार पक्षाच्या वतीने आतापर्यंत एकूण 67 उमेदवार जाहीर करण्यात आले आहेत.

यावेळी जयंत पाटील म्हणाले की, लाडक्या बहि‍णींना निवडणुकीपुरतच गोंरजण्याचं काम सुरू आहे. जयश्री थोरात यांच्याबद्दल जे विधान करण्यात आलं ते अत्यंत दुर्दैवी होतं. लाडक्या बहिणींना कसं वागवलं जात हे राज्यानं पाहिलं. कापूस आणि सोयाबिणचं मोठं नुकसानं झालं आहे. शेतकऱ्यांच्या तोंडाशी आलेला घास हिरावला आहे. मात्र महायुतीच्या सरकारनं शेतकऱ्यांना कोणतीही मदत केली नाही, आज दिवसाला दोन शेतकरी आत्महत्या करत आहेत, असेही जयंत पाटील यांनी म्हटले आहे.

राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंतराव पाटील यांच्या प्रमुख उपस्थितीत नाशिक महानगर पालिकेचे माजी स्थायी समिती सभापती गणेश गिते, जिल्हा नियोजन समिती सदस्य ज्ञानेश्वर गामणे, माजी नगरसेवक विजय सानप, बाळासाहेब घात्रक, प्रमोद पालवे, पिंपळगाव बसवंत कृषि उत्पन्न बाजार समितीचे संचालक गोकुळ गिते, शरद बोडके, प्रतिक पगार व विकास दरगोडे यांनी आपल्या सहकाऱ्यांसह जाहीर पक्षप्रवेश केला आहे. यावेळी पक्षाचे राष्ट्रीय सरचिटणीस आमदार डॉ. जितेंद्र आव्हाड, संसदरत्न खासदार डॉ. अमोल कोल्हे, महाराष्ट्र प्रदेश सरचिटणीस अदितीताई नलावडे, प्रवक्ते अमोल मातेले व सामाजिक न्याय विभागाचे प्रदेशाध्यक्ष पंडीत कांबळे हे देखील उपस्थित होते.

उमेदवारांची दुसरी यादी पुढील प्रमाणे

1. 16 एरंडोल- सतीश अण्णा पाटील
2. 111 गंगापूर – सतीश चव्हाण
3. 135 शहापूर – पांडुरंग बरोरा
4. 243 परांडा – राहुल मोटे
5. 230 बीड – संदीप क्षीरसागर
6. 44 आर्वी – मयुरा काळे
7. 116 बागलान – दीपिका चव्हाण
8. 119 येवला – माणिकराव शिंदे
9. 120 सिन्नर – उदय सांगळे
10. 122 दिंडोरी – सुनीता चारोस्कर
11. 123 नाशिक पूर्व – गणेश गीते
12. 141 उल्हासनगर – ओमी कलानी
13. 195 जुन्नर – सत्यशील शेरकर
14. 206 पिंपरी – सुलक्षणा शीलवंत
15. 211 खडकवासला – सचिन दोडके
16. 212 पर्वती – अश्विनीताई कदम
17. 216 अकोले – श्री अमित भांगरे
18. 225 अहिल्या नगर शहर – अभिषेक कळमकर
19. 254 माळशिरस – उत्तमराव जानकर
20. 255 फलटण – दीपक चव्हाण
21. 271 चंदगड – नंदिनीताई भाबुळकर कुपेकर
22. 279 इचलकरंजी – मदन कारंडे