एनसीबीची मोठी कारवाई

श्रीश उपाध्याय

मुंबई

नार्कोटिक्स कंट्रोल ब्युरोने तीन वेगवेगळ्या कारवाईत चार जणांना अटक केली असून त्यांच्याकडून एक कोटी रुपयांचे प्रतिबंधित ड्रग्स जप्त केले आहेत.

काही लोक मुंबईतून अमेरिकेत प्रतिबंधित ड्रग्ज पाठवत असल्याची गुप्त माहिती नार्कोटिक्स कंट्रोल ब्युरोला मिळाली होती. या प्रकरणाचा सखोल तपास केल्यानंतर मुंबईतील एका कुरिअर कंपनीची अमेरिकेत बंदी असलेली औषधे पाठविण्याची माहिती मिळाली. गुप्त माहितीच्या आधारे, एनसीबीने छापा टाकून एका बॉक्समधून 15000 अल्प्राझोलम गोळ्या जप्त केल्या. या प्रकरणाच्या तपासानंतर समर नावाच्या आरोपीला उत्तर प्रदेशातील लखनऊ येथून अटक करण्यात आली आहे.

दुसर्‍या एका प्रकरणांतर्गत, एनसीबीला गुप्त माहिती मिळाली की मुंबईत कफ सिरपची बेकायदेशीरपणे विक्री केली जात आहे. या प्रकरणाच्या तपासादरम्यान ठाणे जिल्ह्यातील भिवंडी परिसरात असलेल्या एका वाहतूक कंपनीत 8497 कफ सिरपच्या बाटल्या असल्याची ठोस माहिती समोर आली . 28 सप्टेंबर रोजी दोन आरोपी आकाश आणि रवीश हे माल सोडण्यासाठी ट्रान्सपोर्ट कंपनीत आले असता त्यांना रंगेहात पकडण्यात आले.

आणखी एका प्रकरणांतर्गत, एनसीबीला गुप्त माहिती मिळाली की काही कफ सिरप गुजरातमधून आणले जात आहे आणि मुंबई आणि आजूबाजूचा परिसरात विकले जात आहे. या प्रकरणाचा तपास केल्यानंतर एनसीबीला कळले की डोंगरी येथील एका ट्रान्सपोर्ट कंपनीकडून गुजरातमधून कफ सिरपच्या 1199 बाटल्या मागवण्यात आल्या होत्या. एनसीबीने सापळा रचून रियाझ नावाचा व्यक्ती हा माल घेण्यासाठी आला असता त्याला रंगेहात पकडले.

जप्त करण्यात आलेल्या सर्व बंदी असलेल्या औषधांची किंमत एक कोटी रुपये असल्याचे सांगण्यात येत आहे.